Малолетник на возраст од околу 15 години паднал во саботата во раните утрински часови од четврти кат во станбена зграда на главна улица во градот Арта во северозападна Грција.
Падот на младиот човек го забележале соседи и веднаш била повикана Брза помош, која го пренела тинејџерот во болницата во Арта.
Според информациите на медиумите, 15-годишникот има скршеници и одлучено е поради неговата состојба да биде префрлен во Универзитетската болница во Патра.
Прелиминарна истрага за инцидентот врши полициската станица Арта која меѓу другото ја испитува можноста за самоубиство.