Никола (30) и Саша (21) добро ќе го паметат утрото кога во пијана состојба се скарале со полицајците и ги турнале во автомобилот. Во Хрватска се осудени на највисока казна досега.
Според овонеделната пресуда, се се случило на крајот на ноември минатата година околу 10 часот во градот Дапци кај Чазма. Никола под дејство на алкохол возел VW Golf со алкохол во крвта од 1,43 промили, а неговиот совозач Саша имал алкохол во крвта од 1,78 промили.
„Зошто ме запре, остави ме на мира, што сакаш, не знаеш кој сум, со кого си имаш работа“, им викал на полицајците кои го запреле. Бидејќи не престанал, му ставиле лисици на рацете, по што Никола пружил активен отпор, одбивајќи да седне во службеното возило и удирајќи го со клоци полицаецот.
Зошто го допираш пријателе, зошто ни викаш, не знаеш кои сме, му се придружил Саша и ги попречил полицајците во акцијата бидејќи ги турнал со телото и рамото обидувајќи се да го блокира влезот на службеното возило.
„Активен отпор давал и Саша одбивајќи да влезе во службеното возило, за што биле употребени средства за присилба, физичка сила и стеги“, се вели во пресудата на судијата.
Никола е прогласен за виновен и осуден на вкупна парична казна од 6.650 евра: 4.000 за конфликтот со полицијата и 2.650 евра за возење во пијана состојба. Мора да плати и 340 евра прекршочни трошоци.
Значи, кога ќе се собетре се заедно на крајот испаѓаат скоро 7000 евра! Откако беше уапсен и помина 15 дена во затвор, од казната ќе му бидат одбиени 600 евра. Нему му е изречена и забрана за возење во траење од 6 месеци.
Саша е осуден на парична казна од 1.000 евра и 340 евра прекршочни трошоци. Тој беше три дена во затвор, па од казната ќе му бидат одбиени 120 евра.
Никола и Саша веднаш признале се и се покајале, но судијата немал милост кон нив. Како отежителна околност, на Никола му беа преземени претходните повеќекратни пресуди за сообраќајни прекршоци.