32 годишна туристка загина во трагична несреќа во Грција, уште 30 туристи се заглавени

Трагедија со една настрадана жена се случи денеска во клисурата Самарија, по пад на карпа предизвикан од силниот дожд што се случи во областа.

Починатата била планинарка, посетителка на кањонот, која починала од крварење. Според сведоштвата, карпата ја повредила туритката во бутот и предизвикала неконтролирано крварење. На местото на настанот притрчал уште еден посетител, лекар, кој и покрај напорите не успеал да го запре крварењето и жената која според досегашните информации е Германка на 32-годишна возраст починала.

Во исто време, 3о пешаци беа заробени претходно во кањонот, поради карпите, кои ги блокираа премините. Сега тие се испраќаат во Агиа Румели и со брод ќе бидат пренесени до Сфакија. Противпожарната единица веќе комуницирала со нив, додека биле на безбедни места.

Надлежните оперираат на местото на настанот за да ги спасат заглавените. Таму е упатен и хеликоптер.