Иако по професија е економист, Кристина Миливојчевиќ од Србија не можела да оди против своето срце. Она што најмногу сака да го работи, а тоа е да готви, ја направи многу успешна Србинка во Чикаго. Или поточно – барана готвачка.
И како што вообичаено се случува кога сме страсни за нешто, Кристина од мала е посветена на готвењето, следејќи ја работата на подобрите од себе.
– Од мали нозе сакав да бидам поинаква, во однос на се. Во основно училиште открив дека сакам и имам талент за готвење. Имав тетратка во која пишував рецепти, ги следев делата на многу готвачи и гледав едукативни клипови поврзани со храната. Често ги прашував постарите луѓе сè што не знаев, или ме интересираше во тоа време. Љубовта кон храната се роди сама по себе и сега стана моја страст, а сета таа страст што ја имаме во животот – треба да ја работиме со најголема љубов – вели таа.
Таа отишла во Америка пред седум години, не сфаќајќи дека таму ќе успее во она што најмногу го сака. Се запишала и на колеџот Кендал, кој трае 11 месеци, бидејќи, како што вели, почнала да работи како „приватен готвач“, па покрај сертификатот сака и диплома.
– Скоро завршив соработка со еден пријател, водевме партнерски ресторан. За да бидете успешни, треба да ја сакате својата работа, да верувате во она што го работите и да го правите најдобро што можете. Ова е единствениот начин да постигнете резултати и тоа ќе ве направи посебни. Мојот пристап кон работата е – посветен, професионален, стручен. Во Америка сум 7 години, доволно долго за да размислувам секој ден за мојата Србија, која е длабоко во моето срце, и за сите мои таму. Јас сум голем патриот, силно сум врзана за своите корени, за нашата традиција и култура – носталгично завршува Кристина во изјава за српските медиуми.
Нешто што е многу интересно и баш поврзано со нејзиното име е „Кики палачинка“ или „Kiki Sweet Crepe“.
– Направенa е сосема случајно и направи голем бум и за мене и за ресторанот во кој работев. Сега правам мала пауза и одам кон нови победи – вели таа.
📸
📸
📸
📸
📸
📸
📸
📸
