Откако украинското Министерство за внатрешни работи пред неколку часа потврди дека воениот аеродром Антонов во Хостомел кај Киев паднал во руски раце, сега истиот извор тврди дека украинските војници тргнале во контраофанзива и ја вратиле контролата над аеродромот и покрај тоа што борбите на ова место траат и во моментов, од каде продолжуваат да се служаат звуците на силни детонации.
Експертите тврдат дека кој го контролира овој аеродром, „де факто“ го контролира и Киев.
Русите го зазеле Змискиот остров во Црното Море
Според Украина, руски војници можеби го зазеле Змискиот остров во Црното Море, пренесе ДПА.
Украинската гранична служба вечерва соопштила дека изгубила контакт со граничната полиција и војниците на островот. Во текот на целиот ден „непријателот“ го опколил островот и пукал врз него со бродски топови, наведе граничната служба.
Тој е еден од ретките острови што ги поседува Украина. Тоа е стратешки важно, особено за правата на минералните суровини во морето, и долго време е спорен меѓу Романија и Украина.
Малиот Змиски Остров беше предмет на спогодбено решен територијален спор меѓу Романија и Украина во раните 2000-ти години.