На социјалната мрежа Твитер е објавено вознемирувачко видео од Харков. Видеото го објави шефицата на Центарот за граѓански слободи, Олександра Матвичук.

Гардијан пишува дека граѓаните стоеле во ред пред поштата во Харков и чекале да подигнат хуманитарна помош кога врз нив паднала бомба. Додаваат дека локацијата на снимката е потврдена.

Претходно беше соопштено дека во нападот на руските сили врз Харков загинале четири лица, а тројца се повредени. Но, се чини дека не станува збор за овој напад од снимката, јавуваат светските агенции.