Матеј Периш (28) од Сплит исчезна ноќта меѓу 30 и 31 декември минатата година, а неговото тело беше извлечено од Дунав пред шест дена.

Неговиот татко Ненад се уште го мачи само едно прашање, а тоа е „Каде сакаше да оди Мaтеј?!“.

Утрово на социјалните мрежи се појави ново видео од надзорните камери во Бетонската сала во Белград, на кое наводно се гледа Матеј Периш од Сплит. Станува збор за снимки кои се направени кобната вечер кога младиот човек ги оставил пријателите и го напуштил клубот „Готик“.

Видеото трае 36 секунди и прикажува само млад човек, кој според описот одговара на Периш, кој трча покрај шеталиштето кај Бетонската сала кон улицата Караѓорѓева.

Сепак, тој нема контакт со луѓето покрај кои поминува. И повторно се поставува прашањето: „Каде сака да оди Матеј?“ Ниту таксистот не можел да ја открие таа мистерија кога Периш се обидел да го запре бидејќи одбил да го вози бидејќи веќе бил зафатен.

– Сите беа заедно. Пријателите на мојот син ми кажаа дека во еден момент Матеј платил шише пијалок и исчезнал. Мислеа дека отишол да разговара со некого. Дека нешто тргнало наопаку сфатиле дури кога ја виделе неговата јакна. Сè уште не знам каде сакал да оди Матеј – изјави Ненад Периш за „Телеграф.рс“ и додаде дека Матеј се обидел да и се јави на другарката Маја, но таа не му одговорила на телефонот.

Несреќниот татко од Сплит дошол по телото на синот кој се удавил според резултатите од обдукцијата. Матеј Периш денеска беше погребан со семејството во Сплит.

Сплитчани и белграѓани денеска во 18 часот ќе се простат од загинатиот млад човек со палење свеќи и пуштање балони.