Хрватската полиција добила пријава за исчезнување на државјани на Бурунди, учесници на светското кадетско ракометно првенство, кое покрај во другите градови се одржува и во Риека 2-ри до 13-ти август.

Според досегашните информации, станува збор за десет млади момчиња (родени 2006 г.), кои вчера на 9 август околу 15.30 часот во непознат правец се оддалечиле од кругот на студентскиот центар Риека, каде што биле сместени за време на првенството, а не одговарале на телефонските повици.

Се преземаат мерки и дејствија за пронаоѓање на исчезнатите лица, како и утврдување на сите релевантни факти и околности за нивното исчезнување, информираат од СВР Приморско-горанска.