Нуркачите од САЕ Тигар на МВР го пронајдоа телото на удавениот штипјанец и го извлекoa на брегот на Дојранското Езеро. Од Министерството за внатрешни работи соопштија дека 42 годишен жител на Штип, кој живеел во Германија е удавениот маж кој е изваден од Дојранското Езеро.
„На 13.08.2023 во СВР Струмица е пријавено дека околу 11.30 часот во Дојран, едно лице од педалинка влегло во водите на Дојранското Езеро, но набрзо потонало. Полициски службеници од СВР Струмица излегле на местото на несреќата при што било утврдено дека станува збор за И.З.(42) од Штип, со престој во Германија“, соопшти МВР.
Според Сител, тој ги оставил своите деца на плажа во непосредна близина, а тргнал сам да ја вози педалинката.
Од полицијата велат дека припадници на нуркачки тим од САЕ „Тигар“ при МВР пристигна на местото на несреќата и по преземени активности телото во 19.12 часот е пронајдено и извлечено од водите на езерото.
„Смрт констатирал лекар од Итната медицинска помош, а по наредба на Јавен обвинител телото ќе биде предадено за обдукција“, соопшти МВР