Кристи О’Брајан од Флорида се сретна со својата смрт, а целиот трауматичен настан ја потсети на познатиот австралиски ловец на крокодили Стив Ирвин. И нејзе на плажата во Тампа ја прободе ража во грбот, за среќа и ги промаши белите дробови за само 10 сантиметри!
Кристи уживала на плажа со сопругот Томас за да избега од неподносливите горештини и решила да се освежи меѓу брановите. Сепак, набрзо почувствувала пецкање на грбот. Кога погледнала зад неа, огромен бодеж и ѕиркал од рамото и сфатила дека имала блиска средба со ража.
Веднаш била префрлена во болница, каде на трауматолошкиот оддел и го отстранил делот од ражата и ја третирале раната за да се спречи труење.
“Вчера, додека бев на плажа, ме прободе ража. Иста ража која го повреди Стив Ирвин и за малку ќе ми ги дупнаше белите дробови. Промаши за неколку сантиметри. Никогаш не сум била толку исплашена и всушност мислев дека ќе умрам, но Томас беше до мене и ме смири“, напиша таа на својот Инстаграм профил.
„Сè уште е неверојатно болно, како налети на болка, и велат дека е тоа од токсините во самата ража“, изјави таа за Fox13.
„Помина низ мускулот, се уште има токсини“, додаде таа.
О’Брајан моментално е во болница каде што ќе остане уште 7 дена за лекарите да се уверат дека не добила бактериска инфекција.
Овој инцидент потсетува на шокантната и трагична смрт на австралискиот ловец на крокодили, Стив Ирвин. Во 2006 година, тој беше убиен од ража додека снимаше на Големиот корален гребен.
Врз основа на бојата и големината, најверојатно станува збор за ража која според Комисијата за зачувување на рибите и дивиот свет на Флорида, е неагресивен вид и кој обично не е опасен за луѓето.