Бојан Радашиновиќ (48) почина од мозочен удар во четвртокот на своето работно место во загрепската детска градинка Јарун. Од него се збогуваат колегите, пријателите и сите што го познаваа.
Многумина кои го познаваа Бојан (48) вчера беа шокирани од веста дека овој драг колега, соработник и пријател починал. Уште потешко беше да се слушне дека долгогодишниот воспитувач во загрепската детска градинка, починал на своето работно место, во групата во градинка, од мозочен удар. Иако брзата помош пристигнала брзо и се обидела да го реанимира, за жал, не успеале.
– Децата мислеа дека си игра кога седна. Еден колега го прашал за нешто и сфатил дека не одговара и веднаш повикал помош. Сите сме крајно тажни и на сите ќе им недостига тетин Бојан затоа што беше прекрасен – изјави за Јутарњи лист дедо на момче на кое Бојан му бил воспитувач.
Бојан Радашиновиќ беше еден од само осумте машки воспитувачи во Градот Загреб, а по Академијата за наставници, својата работа ја вршеше со посветеност, љубов и креативност, неопходно за работа со деца. Но, тој ќе остане запаметен по многу негови дела. Покрај исклучителната работа во педагогијата, Радашиновиќ беше и поет и голем вљубеник во природата и пермакултурата.