Трагичен инцидент се случи минатата недела зад решетки на Казнено-поправниот дом (КПЗ) Зеница, кога 32-годишен притвореник решил да си стави крај на животот.

Според достапните информации, младиот човек со чаршафи направил јамка, обесувајќи се во својата ќелија.

Несреќниот 32-годишник бил во притвор и го чекал судењето, а околностите кои довеле до овој трагичен чин засега не се познати. Оваа информација за Klix.ba ја потврди директорот на КПУ Зеница, Русмир Исак.

„За жал, можеме да потврдиме дека имало самоубиство во притворското одделение, а со оглед на тоа дека се работи за приведено лице, не можеме да дадеме повеќе информации без одобрение од надлежниот Општински суд во Сараево. Сите дејствија ги презедовме во наша надлежност и постапивме целосно согласно сите важечки прописи“, рече Исак.