Поранешниот соиграч на Предраг Стојаковиќ и Влада Дивац во Сакраменто Кингс, американскиот центар Скот Полард се соочува со сериозни здравствени проблеми.
Во 2021 година на Полард му била дијагностицирана истата срцева болест од која пред 30 години починал неговиот татко Перл Полард, а единственото решение е трансплантација.
Американските медиуми јавуваат дека проблем е да се најде соодветен орган за поранешниот кошаркар кој е висок 211 сантиметри, па моментално е на листа на чекање во три болници.
Лекарите во изминатите три години се обидоа на секој можен начин да го решат проблемот. Полард имаше бројни интервенции, три неуспешни аблации на срцето, поставување на дефибрилатор, третмани со лекови… За жал, ништо не помогна, па трансплантацијата беше единственото преостанато решение.
Ever been on a heart transplant list and then have someone say you’re faking it? It’s super weird. Have a nice Wednesday everyone! This photo is from a while back when I was in the emergency heart center, keeping my fake story straight….😂
I’m home now waiting for a donor pic.twitter.com/wc3VqWz0X6— Scot Pollard (@ScotPollard31) January 10, 2024
Во неодамнешното интервју за Индијанаполис Стар, 48-годишниот Полард го спореди чекањето за трансплантација со добивањето на лотарија.
Полард помина 11 сезони во најсилната лига на светот. Играше за Кингс, Селтикс, Детроит, Индијана и Кливленд. Најголемиот успех во кариерата го постигна во 2008 година, кога со Бостон стана шампион во НБА.
Љубителите на кошарката во Србија го паметат од периодот кога со Пеѓа и Дивац ги бранеше боите на Сакраменто Кингс.