Македонските граѓани кои работат надвор од државата, а немаат извадено пасоши со додавката северна после 12 февруари, нема да можат да дојдат дома. Агенциите кои вршат посредување за работа во странство се соочуваат со голем проблем бидејќи немаат конкретен одговор за работниците, нивната судбина останува неизвесна, објави телевизија ТЕЛМА.
„ДАЛИ ТРЕБА ДА ГИ ПРЕКИНАТ НИВНИТЕ ДОГОВОРИ И ДА СЕ ВРАТАТ ВЕДНАШ ВО МАКЕДОНИЈА ИЛИ ЌЕ МОЖАТ ДА ПАТУВААТ ПОСЛЕ 12 ФЕВРУАРИ. ОВА ЌЕ Е ЕКСТРЕМНО СЛОЖЕН ПРОЦЕС АКО ТИЕ ПАСОШИ БИДАТ ПРОГЛАСЕНИ ЗА НЕВАЛИДНИ И СИТЕ ТИЕ ЛИЦА КОИ СПОРЕД НАШИТЕ ПРОЦЕНКИ СЕ НАД 24.000 ЌЕ ТРЕБА ДА СЕ ВРАТАТ ВО МАКЕДОНИЈА ПРЕД ИСТЕКОТ НА ТОЈ РОК ИЛИ ДА ГИ ПРЕКИНАТ НИВНИТЕ РАБОТНИ ДОГОВОРИ И ПРЕСТОЈОТ ВО СТРАНСТВО НА НИВНА ШТЕТА. ТОА БИ ПРЕДИЗВИКАЛО МАТЕРИЈАЛНА ШТЕТА ОД МИЛИОНИ ЕВРА“, ИЗЈАВИ ЗОРАН КОЧОВСКИ, УПРАВИТЕЛ НА КОУЗОН.
Велат дека ги исконтактирале дипломатските тела на Македонија во странство и тие им потврдиле дека за две недели пасошите ќе бидат невалидни. Одговор побарале и од македонските надлежни институции, но немало од кого да добијат. Официјалниот број на Министерството за надворешни работи е исклучен.
Телма побара одговори од Министерството за надворешни работи од каде ни кажаа дека од 2021 година се издаваат пасоши преку дипломатско-конзуларни претставништва. Каде од почетокот на 2022 година досега издадени се повеќе од 50.000 патни исправи.
„СО ЦЕЛ ОЛЕСНУВАЊЕ НА ПРОЦЕДУРИТЕ ЗА ОБНОВУВАЊЕ НА ЛИЧНИТЕ ДОКУМЕНТИ, ВО ПОДРАЧЈАТА СО ПОГОЛЕМ БРОЈ НАШИ ИСЕЛЕНИЦИ ВО СТРАНСТВО, БЕА ИНСТАЛИРАНИ ДЕВЕТ БАЗНИ СТАНИЦИ, И ТОА ВО МИНХЕН, БОН, БЕРЛИН, БЕРН, ВИЕНА, ЉУБЉАНА, ЛОНДОН, ЊУЈОРК И ЧИКАГО КАКО И ШЕСТ МОБИЛНИ СТАНИЦИ, И ТОА ВО БРИСЕЛ, СТОКХОЛМ, ВЕНЕЦИЈА, ТОРОНТО, МЕЛБУРН И ПЕКИНГ (ПРИВРЕМЕНО)“, СООПШТИЈА ОД МИНИСТЕРСТВО ЗА НАДВОРЕШНИ РАБОТИ.
Граѓаните кои работат надвор од државата се во неизвесност. Одговори бараат по фејсбук групите.
Рокот за промена на лични документи е 12 февруари. По истекот на тој рок документите ќе можат да се користат само во Македонија.