Семејна трагедија се случи во средата вечерта (31/1) во Ханија, при што две лица ги загубија животите во сообраќајна несреќа што се случи во БОАК, во месноста Тавронитис.
Судирот на двете возила бил тежок. Всушност, тој бил толку силен што било неопходно да се изврши голема интервенција на Противпожарната служба дури и при неповолни временски услови.
Во едното возило бил брачен пар на возраст од 62 години (мажот) и 63 години (жената), а во другото возачот бил 19-годишен маж.
За жал, за парот кој, според информациите, потекнувал од Ханија, веќе било доцна, бидејќи и двајцата биле извлечени без свест. Малку подоцна било констатирано дека починале на асфалтот.
19-годишниот возач на другото возило е извлечен со интервенција на пожарникарите, тој е тешко повреден е е пренесен во болницата во Ханија.
Сепак, како што пренесува cretalive.gr, најверојатната верзија за причината за кобната сообраќајна несреќа е дека 19-годишникот заспал на воланот, а автомобилот преминал во спротивна насока, при што се удрил во возилото со брачниот пар.
