Регионот ја доживеа една од најтоплите зими откако беа регистрирани мерењата, а температурите со недели се искачуваат далеку над 10°C.
– Од петте најтопли години, четири имаме по 2018 година. Ова ни кажува дека има забрзување на климатските промени, односно повисоки температури. Оваа зима беше топла и најтопла во Србија за 3,9 степени од нормалното, а во Белград за дури 4,5 степени потопла. Ако се погледне рангирањето до 2007 година, најтопла зима беше таа година, летото 2007 година, кога имавме температурни рекорди и кога во Смедеревска Паланка е забележана температура од 44,9 степени. Потоа следеа уште четири жешки лета, во 2018, 2019, 2022 година и најтоплата во 2023 година – објасни Горан Пејановиќ, заменик директор на српската РЗМЗ.
Годинава го имаме и феноменот Ел Нињо, кој придонесува за високите годишни температури. Заменик директорот на тој начин најавува дека температурата во летото 2024 година би можела да отстапи и до 2 Целзиусови степени над просекот.
– Она од што најмногу се плашиме е бројот на тропски денови, кога максималните дневни температури надминуваат 35 степени, што им го отежнува животот на луѓето, животните и другите суштества. Треба да се очекува половина од летото да биде со максимална температура повисока од 30 степени!, додаде тој.
Пејановиќ предупредува дека високите температури ќе се одразат исклучително лошо врз граѓаните бидејќи нема да можат да спијат, а ранливите групи граѓани ќе мора посебно да се грижат за своето здравје.