Голема трагедија го снајде српското семејство Коњевиќ од Краун Поинт, во американската држава Индијана. За само два дена, на 17 и 18 март, прво почина Ненад Коњевиќ на 39 години, а ден потоа неговиот татко Петар Милош Коњевиќ. Причина за двата смртни случаи, според првичните информации, е срцев удар.
Познато е дека таткото Петар тешко ја поднел смртта на синот единец. Вечерта после смртта на Ненад, на таткото му се слошило и срцето му откажало, а лекарите можеле само да прогласат смрт. Двете шокантни вести за само два дена го погодија остатокот од семејството.
Тажната вест ја соопшти парохиската црква Свети Сава во Меривил, чиј татко и син биле вредни и посветени членови кои биле задолжени за организирање црковни настани и украсување на салата.
Ненад (39) зад себе го остави синот Стефан, а во голема жалост се неговата грижлива мајка и сопруга Нада Коњевиќ, сестрата и ќерка Марија и бројни пријатели на семејството.
Според пријателите кои ги познавале, Ненад и Петар биле добри, вредни и чесни луѓе, сакани и почитувани во српската заедница во североисточна Индијана. Семејството Коњевиќ е по потекло од Краина, каде по Олуја побегнале и дошле во Америка за да започнат нов и подобар живот таму.
Така и беше… се до оваа трагедија што ги снајде.