Ни доаѓа да умреме, пет дена не знаеме каде ни е Данка. На мојата сопруга ѝ се слоши од стрес, не знаеме веќе што да правиме! – вели со болка во гласот на дедото на Данка, таткото на Милош Илиќ.

Целото семејство Илиќ, родителите на таткото на Данка, како и други членови на семејството вчера биле пред полициската станица во Бор, каде изјави давале родителите на исчезнатото девојче.

Дедото вели дека веќе не знаат што да прават.

-Едвај стоиме на нозе, загрижени сме за нашата внука – рекол очајниот дедо на малата Данка.

Кога станува збор за семејството од страна на мајката, се огласил вујкото на девојчето и рекол дека целото семејство се чувствува многу лошо.

– Јас сум потресен и вознемирен, како и целото семејство – рече тој, кој додаде дека претходните денови бил загрижен што Ивана толку ја држат.

-Се тешам дека нејзините изјави се највалидни бидејќи последна ја видела Данка, односно исчезнала од нејзиниот видеокруг. Таа беше уништена и плачеше и ми рече дека не може да спие цела ноќ. И покрај се, јас морав да работам. Бев во рудникот. Јас и моето семејство немаме што да криеме – рече тој.

Пред неколку дена на социјалната мрежа Инстаграм се огласи Милош Илиќ, таткото на исчезнатото девојче Данка Илиќ (2) од Бор, по кое се трага од вторникот.

Тој објави фотографија од својата исчезната ќерка, која последен пат била видена во вторникот околу 13 часот и 45 минути во Бањско поле во Брестовачко село на имотот на нејзината мајка Ивана Илиќ.