Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата. Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Противпожарните служби во Делхи соопштија дека примиле повик за пожар во 23.32 часот во центар за нега на бебиња во областа Вивек Вихар во Источен Делхи, по што дури 16 противпожарни екипи биле итно пренесени на местото.
Официјалните лица рекоа дека 12 новороденчиња биле спасени од првиот кат на зградата, но седум починале додека биле на лекување во болница.
Во болница моментално се лекуваат пет деца.
#WATCH | Delhi: A massive fire broke out at a New Born Baby Care Hospital in Vivek Vihar
As per a Fire Officer, Fire was extinguished completely, 11-12 people were rescued and taken to hospital and further details are awaited.
(Video source – Fire Department) https://t.co/lHzou6KkHH pic.twitter.com/pE95ffjm9p
— ANI (@ANI) May 25, 2024
Причината за пожарот допрва ќе се утврдува, а против сопственикот на болницата е поднесен случај.
Главниот министер на Делхи, Арвинд Кејривал, рече дека пожарот во детската болница ужасен.
„Причините за несреќата се истражуваат и кој и да е одговорен за ова невнимание нема да биде поштеден“, објави тој на X.
#WATCH | Delhi: A fire broke out at a residential building in Azad Nagar West, Shahdara.
Further details awaited. pic.twitter.com/8WZbo6kPlb
— ANI (@ANI) May 25, 2024
Претходно во саботата, дваесет и седум лица, меѓу кои девет деца, загинаа во големиот пожар што избувна во зоната за игри во Рајкот во Гуџарат.