Нов ужасен злочин во Германија денеска: Маж ѝ пукал во глава на бремената сопруга, па изрешетал тројца во фризерски салон

Четири лица се ранети во пукотница во Хаген, во западна Германија, а осомничениот сторител е во бегство, соопшти полицијата.

Според достапните информации кои ги пренесуваат германските медиуми, осомничен е Мехмет О. (34) кој пукал во глава на својата бремена сопруга за чиј живот се борат лекарите.

Откако пукал во нивниот заеднички стан, тој се качил на седмиот кат во зградата и испукал уште шест куршуми во заклучена врата на стан, пришто не повредил никој. Потоа седнал во Мерцедес и се отишол до фризерски салон на два километра оддалеченост од зградата, каде испукал неколку куршуми со кои повредил уште три лица.

„Бев во шок кога разбрав што се случило. Не можам да објаснам зошто го направил тоа. Колку што знам, немаше никакви проблеми и беше мирен човек. Со сопругата имаат четири деца“, изјави негов роднина за германските медиуми.

Полицијата е во потрага по напаѓачот. Околната шума се пребарува од специјални полициски сили, кучиња трагачи, дронови и полициски хеликоптер.