„Моето девојче повеќе не стана“: Потресни зборови на таткото на загинатото девојче на плажата Посиди

Во шок се родителите на 13-годишното девојче кое го загуби животот во петокот попладне (28/6) кога го удри гром додека била со семејството на плажата Посиди на Халкидики.

Според таткото на девојчето, семејните безгрижни моменти се претвориле во кошмар кога гром ги погодил неговата ќерка и сопругата, убивајќи го 13-годишното девојче веднаш. Како што вели, фамилијарно заминале на капење и кога виделе дека почнало да врне, излегле од морето. Додека биле на плажа, пред нив удрил гром, а неговата сопруга и ќерката паднале на песокот.

„Моето девојче повеќе не стана“, вели таткото на 13-годишното девојче, кој забележува дека тие излегле од морето за да се заштитат и не останале ни десет минути на плажата кога удрил гром.

Во инцидентот тој е полесно повреден, а мајката на девојчето е во добра здравствена состојба, но и понатаму е во шок.

Потсетуваме дека трагичниот настан се случил околу 16 часот и 30 минути кога девојчето било на плажата Посиди, на песочниот дел. Според информациите, семејството од Муданија се капело во Посиди во Фаро и кога ја забележале бурата излегле надвор, се обиделе да стигнат до автомобилот но не успеале, биле погодени од гром, а малолетничката веднаш била убиена.

Спасувачите на ЕКАВ вложиле големи напори, продолжиле со интубација, но не успеале да ја вратат во живот. Забележано е дека на подрачјето на Халкидики денеска имаше лошо време со обилни дождови. Полициската управа Касандра води прелиминарна истрага за инцидентот.

„Трагедија која се случи од никаде во момент на радост за семејството“

Шокирана од инцидентот е градоначалничката на Касандра, Анастасија Чалкиа, која од првиот момент кога била информирана за настанот била во здравствениот дом на околината. Во изјава за protothema.gr, таа зборуваше за вистинската трагедија.

„Тоа е трагедија која се случи од никаде во момент на радост за семејството. Ова нешто е навистина лудо. Врнело многу и според она што го кажала нејзината мајка, таа во тој момент се подготвувала да ја напушти плажата. Таа беше ангел, кукла, одличен ученик и спортист. Родителите не можат да разберат што се случило. Детето само се шетало на плажа, тоа што се случи е трагично“, забележува таа.