За помалку од една недела, Кичево загуби две млади момчиња, две деца, Елиор (11) и Ветон (16), објавуваат медиумите на албански јазик во земјава, пренесувајќи информација од ФБ статус на џамијата Регенсдорф во Швајцарија.
– Вистинска болка. Искрено го молиме Бога да им даде на семејствата, особено на родителите на Елиор и мајката на Ветон, големо трпение. Сите се молиме, затоа што им се потребни нашите молитви во овие моменти, Бог да им ја олесни болката на родителите и на целото семејство, се вели во објавата.
Засега не е јасно како 16 годишниот Ветон од Кичево го загубил животот, откако една недела претходно, медиумите објавија дека 11 годишниот Елиор, по потекло од албанско семејство од Кичево, загинал враќајќи се од училиште во Швајцарија.