Цело семејство, меѓу кои и две деца, се изгубило во морето откако нивниот брод потонал на брегот на Алјаска во ледените води.
Мери и Дејвид Мејнард, како и нивните синови Колтон (11) и Брентли (7) биле на бродот со уште четири лица во саботата кога бродот почнал да тоне околу 19 часот, според крајбрежната стража, објави Си-Би-Ес Њуз.
Бродот Salty Sea одговорил на повикот на радио за помош и успеале да ги спасат преостанатите четири лица.
Оттогаш, крајбрежната стража со помош на хеликоптери, авиони и чамци трага по четиричленото семејство од Тексас.
Сите нивни досегашни напори биле неуспешни, а потоа потрагата била прекината околу 18 часот во неделата.
„Секогаш кога ќе донесеме одлука да ја прекинеме операцијата за пребарување и спасување, тоа е тешка одлука“, рече офицерот на крајбрежната стража Шенон Керни.
Во моментот на несреќата водата била замрзната.
„Ако нешто излезе на виделина, какви било нови информации добиеме, ќе бидеме повеќе од среќни и подготвени да излеземе и да продолжиме со нашата потрага“, додаде таа.
Семејството исчезнало само два дена пред почетокот на школувањето, пренесуваат медиумите.
Веста за исчезнувањето ја објавил семеен пријател на Фејсбук, барајќи молитви за семејството.
Дејвид објави фотографија од Алјаска на Фејсбук само неколку дена пред неговото исчезнување.
“По четири дена во Алјаска, конечно ја видов мојата прва мечка. Ниту една фотографија не може да покаже колку е прекрасно ова место”, напишал тој во описот.
За да му се помогне на семејството е отворена акција за собирање средства, а до понеделник навечер биле собрани повеќе од 8.000 долари.