Се огласија од ЗОО Скопје за случајот: Слоницата имаше болести, дојде лекарски тим од Белгија и процени дека е подобро да се изврши евтаназија

Едната од слониците во скопската Зоолошка градина угина, односно беше извршена евтаназија, пренесува САКАМДАКАЖАМ од извори од Зоолошката.

„Слоницата имаше околу 60 години, а слоновите во просек живеат толку. Слоницата Дуња имаше болести, дојде лекарски тим од Белгија и процени дека е подобро да се изврши евтаназија“, пренесува порталот изјава од скопската Зоолошка.

Низ неколку медиуми се појави информација за несоодветен транспорт на слоницата во депонијата Дрисла. Од скопската Зоолошка засега не се огласија по тие обвинувања.