Три лица загинаа, а 15 се повредени во напад со нож во супермаркет во Шангај вчера, јави државната новинска агенција Ксинхуа.

Жртвите веднаш биле пренесени во болница, но тројца од нив починале. Напаѓачот, 37-годишен маж со презиме Лин, бил приведен од полицијата која добила дојава за инцидентот во 21:47 часот по локално време.

Кинеските власти соопштија дека го уапсиле 37-годишниот Лин, додавајќи дека нападот се случил затоа што тој бил „бесен поради неговите економски тешкотии“. Истрагата е во тек.

– Насекаде имаше крв – изјави за Би-Би-Си очевидец по презиме Кси.

Г-дин Кси, кој води продавница за накит на приземјето на Луду Интернешнл Комерцијал Плаза, рече дека десетици пожарникари и службеници за специјални оружја и тактики (SWAT) влегле во трговскиот центар и побарале од луѓето да се евакуираат.

– Не знаев што се случува, но одеднаш видов луѓе како панично трчаат. Досега не сум доживеал вакво нешто, а ние не бевме психички подготвени за тоа… Овој вид случаен инцидент е застрашувачки и вознемирувачки – рекол тој, додавајќи дека за влакно ја избегнал смртта.

Инцидентот се случил во трговски центар во Сонџијанг, густо населен кварт во југозападниот дел на градот, кој исто така е дом на неколку универзитети.

Полицијата соопшти дека тројцата починати им подлегнале на повредите во болница. Останатите „не се здобиле со повреди опасни по живот“ и се верува дека не се опасни по живот.

Истрагата е во тек.