Соседна Србија остана во солзи по веста дека по долга и тешка битка со малигнен тумор починала малата Хелена Гавран (8). Како што објави администраторот на Фејсбук страницата „Хуманитарна књижара“, Хелена за жал починала.

– Искрено сочувство, напишано е покрај црно-белата фотографија на Хелена. Коментарите постојано доаѓаа, а со девојчето се збогуваат пријатели, познаници, но и оние кои за неа слушнале само преку социјалните мрежи.

– Збогум црвенокоса, така те викавме, гласи еден коментар.

Да потсетиме, Хелена е родена на 17 ноември 2015 година во Белград. Таа е најстарата од трите сестри. Секогаш беше весело, насмеано и љубопитно дете. Сè се смени во еден момент кога Хелена почна да повраќа секој ден, стана поспана, раздразлива, лута, одбиваше да јаде. Родителите на почетокот мислеле дека тоа е од љубомора кон новородената трета сестра.

Нејзиното гадење и страдање траело еден месец, а потоа на 17.08.2019 година, откако отишла на лекар, и бил дијагностициран хидроцефалус. Тој ден останува во болницата во Клиничкиот центар на одделот за неврохирургија, каде на семејството му било соопштено дека Хелена, освен хидроцефалус, има и церебеларен тумор. Веќе следниот ден таа беше оперирана за прв пат, а потоа следеше уште една операција. Од двете излегува како вистински мал херој, со насмевка на лицето.

Таа еднаш го победи туморот, но тој се врати

На јавноста и беше позната како „Златокоса“ поради убавата црвена коса, а малата хероина еднаш успеа да ја победи злобната болест. За жал, таа се врати.

– Болеста се врати пред дваесетина дена. Тоа го дознавме на последниот преглед, иако здравствената состојба на Хелена не го покажа тоа. Таа е весела и жива и изгледа здраво, но резултатите покажуваат поинаку – изјави тогаш Катарина Гавран, мајка на малата Хелена.

По детална анализа на совет руски експерти, семејството добило одговор дека Хелена не примила ниту еден лек кој би бил значаен за нејзината болест и било предложено со тоа да се започне првата терапија.

Мајката забележува дека кога болеста била откриена, тоа било само точка, но за само еден месец болеста значително напредувала.

Состојбата на девојчето се влоши минатата година. Се појавиле метастази, а по совет на стручњаци и со помош на хумани луѓе Хелена продолжила да се лекува на клиника во Москва.

И покрај лавовската борба на малата Хелена и нејзините родители, нејзиното срце не издржа.