Холивудските ѕвезди ширум Лос Анџелес преку социјалните мрежи изразуваат загриженост поради тоа што нивните домови се загрозени од разорниот пожар што гори надвор од контрола од вторник наутро.

Познатиот актер Бен Афлек (52) доби непријатно изненадување кога се врати дома во западниот дел на Лос Анџелес. Холивудската ѕвезда беше виден како вози до својот стан во Пацифик Палисадес, откако се раздели со сопругата Џенифер Лопез, а папараците го фатија неговиот шокиран израз додека ги гледа последиците од огромниот шумски пожар кој проголта се пред него.

Над 30.000 луѓе мораа итно да бидат евакуирани, а меѓу нив имаше и бројни холивудски ѕвезди кои се огласија преку социјалните мрежи. Меѓу првите што зборуваше беше манекенката Хејли Бибер, сопруга на Џастин Бибер, која откри дека во разорниот пожар изгореле околу 1.200 хектари шума.

Ќерката на Тревис Баркер, Алабама Баркер, откри дека била евакуирана од својот „дом поради шумските пожари во Лос Анџелес“ и ги повикала другите да се спасат и веднаш да се евакуираат заради безбедност.

Актерката Менди Мур, исто така, беше принудена да го напушти својот дом во Пасадена, Калифорнија со сопругот Тејлор Голдсмит и нивните три мали деца, откако шумските пожари почнаа да се појавуваат во областа во вторникот вечерта.

„Безбедно евакуирана со деца, кучиња и мачки“, објави ѕвездата на Инстаграм во вторникот вечерта.

Областа зафатена од пожарот ја опфаќа областа каде се наоѓаат домовите на неколку познати холивудски ѕвезди.

Актерите Крис Прат и Рис Витерспун, како и членовите на семејството Кардашијан имаат имот во областа, но се уште не е познато дали нивните домови се загрозени.

„Нашите молитви и благодарност до првите што одговорија“, Парис Хилтон сподели воздушна снимка од неверојатниот пожар во ЛА на нејзината приказна на Инстаграм, пишувајќи: „моли се за ЛА/Калифорнија“.

На мрежите се огласи една од сестрите на најпознатото семејство во светот Кардашијан и им се заблагодари на пожарникарите кои повеќе од 24 часа се обидуваат да спасат животи и домови на многу луѓе.

Студиото „Амазон МГМ“ ја откажа премиерата на филмот „Unstoppable“ со Џенифер Лопез во главната улога, која требаше да се одржи во Лос Анџелес во вторник навечер.

Пожарникарите кои се борат со големиот шумски пожар во Пацифик Палисадес во Калифорнија, предупредија дека им снемува вода и резерви, бидејќи предупредувањата за итна евакуација се проширија дури до Малибу и Калабасас.