На социјалните мрежи се шири страшна снимка од Русија на која се гледа моментот кога патнички воз удри во маж и дете на станицата во Воронеж.

Во вторник, 11 јули, на станицата Грјази-Воронеж воз удри во 42-годишен маж со двегодишно дете во рацете. Двaјцата се хоспитализирани во локална болница, соопшти прес-службата на Истражниот оддел за транспорт на Воронеж.

На социјалните мрежи е објавено видео од инцидентот, снимено на надзорна камера. На видеото можете да видите како таткото со синот во раце ја минува пругата без да провери дали е безбедно да го стори тоа. Во последен момент го забележал возот и се вратил неколку чекори наназад, веројатно спасувајќи го својот и животот на малиот.

После тоа возот удира во нив и ги соборува неколку метри од шините.

– Од страна на истражителот се спроведуваат сет мерки за утврдување на сите околности на настанот, извршена е истрага – соопштуваат од секторот за транспорт.