Познатиот српски режисер и сценарист Милорад Милинковиќ, кој беше дел и од квиз-шоуто „Потера“, ненадејно починал пред вратата од црквата во Јабуковац.

Како што дознава Новости, Милорад таму сакал да го прослави Божик. Утринава отишол во тамошната црква на литургија да се причести, каде ненадејно му се слошило.

Милинковиќ почина како последица на тежок срцев удар на портата на црквата на 60-годишна возраст.

Ниту брзата интервенција на брзата помош не можела да го спаси.

Милорад Милинковиќ е роден во Белград во 1965 година, а математичката гимназија ја завршил во родниот град во 1983 година.

Милинковиќ режираше голем број филмски и телевизиски продукции, како „Рок дезертери“, „Рокументи“, „Казнениот простор“, „Црни Грујо 2“, „Дангубе!“… Режисер е на познати филмови како „Мртов ладен“, „Потрага по среќа“, „Некролог за егзорбарот“, „Што се борат моите мисли“, кој беше и српски кандидат за Оскар.

Милорад е трагач и во српската верзија на ТВ квизот „Потера“. Беше коментатор на фудбалски натпревари на каналите Еуроспорт.