Анѓелка М.(34) била убиена во утрово во Шипово во Република Српска (БиХ) од невенчаниот сопруг Никола Цумбо (37), кој после тоа си пресудил себеси.
Несреќната жена останала мртва на лице место, додека Цумбо со прострелна рана во главата е пренесен во болницата во Република Српска каде му била извршена операција, но им подлегнал на повредите.
Според АТВ, Анѓелка во два наврати поднела пријави за семејно насилство против нејзиниот невенчан сопруг Никола Цумбо (37), а една од тие истраги била прекината бидејќи се откажала од кривично гонење.
Извор близок до истрагата открива дека Анѓелка ја поднела првата жалба против Цумбо во 2023 година, додека втората ја поднела во мај.
– Во двата случаи полицијата постапила по пријавите и до Окружното јавно обвинителство во Бања Лука поднесе пријава за кривичното дело против Цумбо. Во еден случај истрагата е прекината затоа што жртвата се откажала од кривично гонење, додека за втората пријава се уште се чека – вели добро упатен извор.
По нападот во мај, Анѓелка го напуштила Цумбо и живеела со своите роднини со нивните две деца, на две и на шест години. Сепак, сведоците тврдат дека Анѓелка и нејзиниот невенчан сопруг и после тоа останале во контакт и дека биле видени заедно.
Досегашната истрага укажува дека Анѓелка утрово со автомобил ги однела децата кај родителите на Цумбо на чување. Никола наводно чекал пред куќата и кога Анѓелка ги оставила децата влегол во автомобилот, извршил грозоморно злосторство, а потоа се самоубил.
Се уште не е познато од каде и како тој го имал пиштолот, но најверојатно се работи за нелегално оружје.