Во сообраќајна незгода на автопатот А6 Риека – Загреб во Хрватска, меѓу клучките Равна Гора и Врбовско, во четвртокот претпладне загинаа две лица, извести хрватската полиција, пренесуваат тамошните медиуми.
Според неофицијални информации, во несреќата учествувале комбе со приколка со романски регистрации и патнички автомобил со загребски таблички.
– Како што неофицијално дознаваме, во правец на Загреб се движело комбе со приколка кое превезувало автомобил. По излегувањето од тунелот Подвуглеш, каде што има двонасочен сообраќај, возачот требало да сврти на својата лента, но продолжил да вози право низ сигнализацијата, а потоа се судрил со возило кое доаѓало од спротивната насока, објавија хрватските медиуми.
