Мотоциклистот Марко Краљевиќ (20) од Лесковац, кој вчера беше тешко повреден во сообраќајна несреќа кај Горњи Стопање, почина во Универзитетскиот клинички центар во Ниш.
Како што напиша „Блиц“, несреќниот млад човек за време на сообраќајната незгода возел мотор и се судрил со патничко возило.
Припадници на МВР во Лесковац го уапсиле Д.Д.(53) од околината на градот, поради сомнение дека сторил тешко кривично дело против безбедноста на јавниот сообраќај.
„Постои сомневање дека вчера предизвикал сообраќајна незгода, не отстапувајќи првенство на минување на дваесетгодишник кој управувал мотор додека осомничениот управувал Пасат. Младиот маж се здобил со тешки телесни повреди опасни по живот од кои починал во Клиничкиот центар во Ниш“, се вели во соопштението на Полициската управа Лесковац.
На осомничениот под овластување на Основното јавно обвинителство Лесковац му е одредена мерка притвор до 48 часа и со кривична пријава ќе биде изведен во надлежното обвинителство Лесковац.
По несреќата, лекарите го реанимирале несреќниот млад човек, но тој сепак им подлегнал на повредите во болница во Ниш.
Марко Краљевиќ, според локалните портали, бил еден од најпримерните ученици на Гимназијата во Лесковац.