Во новиот број на Фокус ќе читате: Се истражува дали Палевски е вмешан во исчезнувањето на Роберт пред две години!
После обелоденување на двојното убиство, сознанијата на Фокус говорат дека се проверуваат нерасветлени случаи, како што е исчезнувањето на скопјанецот Роберт Плескоњиќ пред точно 2 години, кој претходно имал интензивна комуникација со Љупчо Палевски.
Во јануари 2022 година Роберт Плескоњиќ беше пријавен за исчезнат, опишано дека е облечен во долга јакна и има бела коса и брада.
– Последните информации се дека е виден на 5 јануари во околината на Новата железничка станица во регионот каде што живее. Оттогаш му се губи секаква трага. Облечен е во темно сина долга јакна има бела коса и брада и е висок 182 сантиметри. Тој излегол од дома и не се вратил.
Роднините случајот го пријавиле во МВР на 6 јануари, објавија тогаш медиумите.