Шест лица, меѓу кои четири деца, се повредени во сообраќајна несреќа што утрово се случила во чешкиот град Слушовица, соопшти противпожарната служба на регионот Злиш.
„Пожарникарите по пристигнувањето на местото на настанот констатирале дека во несреќата учествувале два автомобили и двајца пешаци. Еден автомобил удрил во оградата на мостот и за малку ќе слетал во коритото на потокот. Повредени се четири деца и двајца возрасни. Двајцата сопатници од другиот автомобил се неповредени“, се наведува во соопштението.
На местото на настанот излегле три екипи на итната помош кои им помогнале на повредените. Тие згрижиле пет лица, од кои четири малолетни, кои се здобиле со полесни повреди.
Тројца се префрлени во регионалната болница во Злин, додека едно малолетно лице е пренесено во болницата во Брно.
Кога пожарникарите пристигнале на местото на настанот ја извлекле батеријата од автомобилот и сѐ што евентуално би можело да предизвика пожар на возилото. Набрзо успеале да го извлечат автомобилот кој висел од мостот на патот.
Причината за несреќата ја истражува чешката полиција.
