Според полициските информации објавени во хрватските медиуми, во последните неколку дена во Хрватска исчезнале три момчиња родени 2009 година.
На 7 јануари прв исчезна Иван Шнајдар, кој се оддалечи од својата адреса во Загреб. Во моментот на неговото исчезнување, тој носел спортски панталони и бела маица. Иван има кафена коса, сини очи и средна градба. Тој е висок 162 сантиметри.
Ден подоцна во Риека исчезна Лукас Кираљ Јеремиќ, исто така роден 2009 година. Истиот ден, понеделник, 8 јануари, во Загреб исчезна Патрик Гек, роден 2009 година.
Според веб-страницата nestali.gov.hr, Патрик е висок 175 сантиметри, има кафена коса и кафени очи и е со средна градба. Роден е во 2009 година. Во моментот на неговото исчезнување носел црни панталони, портокалова качулка, црна јакна и патики.
