Во црквата Свети Антониј во Белград се одржа миса за Матеј Периш, чие тело беше пронајдено во средата околу 9.20 часот на Ада Хуја. По мисата беше организиранo испраќање за Сплит каде ќе биде погребан младиот човек. Денеска пред црквата се собраа голем број граѓани, а меѓу нив имаше и жена која ја доживеа речиси истата трагедија.

Снежана од Белград кај крстот оставила бели рози. Снежана ја откри неверојатната коинциденција на двете трагедии. Имено, нејзиниот брат исчезнал во Дунав истиот ден кога и Матеј Периш, на 31-ви декември.

– Многу ми е тешко, страшно ме потресе ова. Не се чувствувам добро, тажна сум. Има премногу случајности во овој случај, датумот… сето тоа ме натера да дојдам овде. Ја следев потрагата, рече Снежана од Белград и додаде:

– Срцето ми рече да дојдам. Истиот ден 31.12, пред 30 години брат ми исчезна во Дунав, се преврте чамец со уште 4 лица и телото на брат ми исплива во близина на Смедерево пет месеци подоцна на 18-ти мај. Истите датуми како и Матеј. Живеам во близина и морав да дојдам. Знам што значи тоа. Родителите ќе имаат што да закопаат, каде да одат да плачат, да запалат свеќа. Тоа се страшни работи. Четворицата другари на брат ми никогаш не испливале – изјави таа за Новости.

Инаку, архиепископот Хочевар рече дека Матеј е пронајден на денот кога се празнува маченикот Феликс од времето на Диоклецијан. Архиепископот белградски одржа краток говор.