Седумдесет и петгодишниот Јован Недељковиќ од Лесковац починал во неделата од срцев удар поради преживеан стрес бидејќи бил сведок на брутален напад на бесно куче од расата стафорд бул териер врз неговиот миленик кој бил од мешана раса на кучиња со име Лео.

Несреќниот маж и неговите синови Братислав и Бојан успеале да го одбранат кучето од крволочното куче, но на Јован му се слошило што довело до смрт, иако според семејството бил витален човек без хронични болести.

Трагедијата се случила во неделата во дворот на семејната куќа Недељковиќ на улицата „Максим Горки“. Според синот на Јован, агресивното куче од расата стафорд го искористило моментот кога Јован ја отворил портата за да се прошета до паркот.

-Тоа куче влета во дворот и се нафрли кон нашето куче, го влечеше низ целиот двор до влезот во куќата. Моите ќерки, девет и единаесетгодишно девојче, почнаа да врескаат и да плачат, најдов метла при рака, ја грабнав и се обидов да го одбранам Лео со неа. Не вредеше ништо, стафордот не сакаше да го пушти, сакаше да го задави. Татко ми и брат ми Бојан ги слушнаа врисоците на децата, тие истрчаа од куќата и стафордот побегна до портата влечејќи го Лео со себе. Се обидовме да ги разделиме, го удривме тоа крволочно куче, викавме и конечно го пушти Лео. За момент се чинеше како стафордот да изгуби свест, лежеше пред капијата, но по неколку секунди стана и се обиде повторно да влезе во дворот, но ние ја затворивме капијата, ги опишува Братислав настаните што го чинеа татко неговиот живот.

Тој вели дека сите биле вознемирени, но дека Јован бил најлошо.

– Татко ми остана без здив и вознемирен, седна на оградата да се одмори, рече дека не е добро. Бојан го ладеше со вода од чешма, но во моментот кога нашите четири деца устрчаа од куќата, татко ми падна. Беше ужасна глетката, настанаа врисоци, ужасно нешто. Притрча докторка лекар од соседството, му го масираше срцето, го превртевме и му го извадивме јазикот, дојде брзата помош, пробаа реанимација, но се беше залудно, татко ми почина за пет минути – низ солзи раскажува синот

Тој посочува дека нема сомнеж дека Јован починал поради грижата за кучето.

-Татко ми многу го сакаше Лео, секое утро го хранеше, одеа на прошетка и го носеше во селото. Тоа е старо куче, има тринаесет, можеби четиринаесет години, тоа куче никогаш не нападнало никого. Станува збор за ловечко куче, мешано, кое секогаш било мирно, дури и кога било нападнато не се бранело, па и во оваа ситуација не возвратило, туку се обидело да побегне – изјавил Братислав.

Коментирајќи ја одговорноста на сопственикот на животното за трагедијата што го снајде неговото семејство, синот на Јован вели дека очекува реакција од надлежните органи.

– Вчера го закопавме татко ми, треба да ги завршиме формалностите околу неговата смрт, да донесеме ветеринар да го прегледа кучето, немавме време да се занимаваме со тоа. Сепак, очекуваме да се утврди кој е виновен за тоа што ни се случи, според моите информации сопственикот го барал животното преку социјалните мрежи, а откако дознал за овој настан ја прекинал потрагата – вели Братислав.

Ден по нападот, стафордот е уловен од вработени во лесковачки „Комуналец“, а засега нема информации што ќе биде со него ниту за евентуална кривична пријава против неговиот сопственик.