Денеска се навршува точно една недела од исчезнувањето на Данка Илиќ, 22-месечната ќерка на Милош и Ивана Илиќ. За овој мистериозен настан се напишани многу редови, но сепак можеби најмалку знаеме за кобните минути минатиот вторник во раните попладневни часови во Бањско поле кај Бор. Како се изгуби малото девојче? Што навистина се случило во кобните 59 минути од исчезнувањето од 13.00 до 13.59 часот, кога на терен пристигнала првата полициска патрола?

Зошто се важни овие моменти во истрагата за исчезнувањето на Данка Илиќ? Ова во неделата вечерта на ТВ Пинк го објасни Бојана Отовиќ Пјановиќ, полициски мајор.

-Ние (полицијата) многупати излеговме на местото на настанот со таткото и мајката, што е логично, а логично е и неколку пати да беа испрашувани. Се преиспитуваат сите факти и околности и мораме да направиме реконструкција на настанот за да бидеме сигурни како било можно дете да го напушти кругот на просторот од одредена област – изјави мајорот Отовиќ Пјановиќ.

Како воопшто знаеме дека се точно 59 минути?

Не знаеме со апсолутна прецизност. Во првите денови имаше многу конфузија и контроверзни информации од неколку неповрзани извори.

Во првите извештаи на медиумите во вторникот попладне се наведува дека „Данка исчезнала околу 13 часот“. Тоа време е напишано и објавено во „amber alert“ на сајтот „Најди ме“ на МВР на Србија. Од друга страна, во СМС-пораката „amber alert“ која пристигнала подоцна истата вечер на мобилните телефони на сите граѓани на Србија, времето на исчезнување е наведено 13:45 часот.

Може да се заклучи дека неусогласеноста настанала најверојатно затоа што vo првите пишувања на медиумите објавија дека „Данка исчезнала околу 13 часот“, додека првиот повик во полицијата во Бор за исчезнувањето на девојчето дошол во 13 часот и 45 минути – што е официјалното времe за полицијата да го пријави исчезнувањето.\ споменато во СМС пораката „amber alert“.

А кога исчезна Данка?

Тука може да ни помогне ексклузивната изјава на вујкото на Данка Стефан Драгомировиќ за „Блиц“, дадена во неделата попладне. Драгомировиќ тврди дека неговата сестра Ивана ги сликала своите деца во Бањско поле точно во 13 часот и 20 минути, што би значело дека Данка исчезнала малку подоцна, околу 13:25 – 13:30 часот.

Кога во Бањско поле пристигна првата полициска патрола?

Бојана Отовиќ Пјановиќ, полициски мајор, во неделата навечер на ТВ Пинк изјави дека првата полициска патрола пристигнала во Бањско поле „во 14 часот, нешто порано, можеби минута или две, минута по доаѓањето на таткото кој не бил присутен на местото на настанот“.

Изјавата на мајорот Отовиќ Пјановиќ ни дава уште една фиксна точка во редоследот на настаните: таткото на Данка, Милош, дошол на местото на исчезнувањето околу 13:58 часот.