11-годишно детенце загина, а мајката е тешко повредена во сообраќајна незгода која синоќа се случила во Велес, објави порталот скопјеинфо.мк.
Сообраќајката се случила на пешачки премин во близина на училиштето Васил Главинов. Според првичните информации возачот на автомобилот избегал од местото на несреќата.
Неофицијално на местото на несреќата пронајдени се регистарските таблички на возилото, а полицијата трага по сторителот на сообраќајната незгода.
Од Министерството за внатрешни работи се уште нема официјална потврда на настанот и повеќе информации се очекуваат во текот на денешниот ден, но на социјалните мрежи веќе се зборува за несреќата.