Четиригодишно девојче отишло да се лекува од скршен заб во Кронберг во источна Германија, но никогаш не се разбудила од анестезијата. Нејзината прекрасна насмевка згасна во луксузна стоматолошка ординација, а причината за трагедијата веројатно е анестетик кој бил контаминиран со бактерии. Родителите на девојчето отишле во ординацијата, откако таа при играње скршила заб.
„Третман без болка“ – Во познатата луксузна клиника Markthalle, користеле анестезија која наводно е специјално направена за деца, за да можат да имаат „третман без болка“. Меѓутоа, тој ден Емилија (4) и уште три деца биле дрогирани.
Сомнежите се дека лекарот не го подготвил правилно анестетикот. Емилија починала, а уште три деца биле тешко повредени. Емилија почина во текот на ноќта на 30 септември 2021 година. Случајот со четврто тешко повредено дете се случи пред четири недели. Сличен случај на контаминиран анестетик во истата ординација – исто така спроведен од истиот доктор!
Сите деца ги лекувал истиот лекар – Пред Окружниот суд во Франкфурт сака да се искупи за смртта на девојчето обвинетиот анестезиологот др. В.(60).
Се очекува огромно судење во кое ќе излезат на виделина многу неверојатни детали од драматичната смртна ноќ во клиниката во Кронберг им Таунус (третата најбогата општина во Германија).
Истрагата против стоматологот е прекината, му се суди само на анестезиологот
Обвинението содржи 50 страници, а во судот ќе се појават дваесет сведоци.
Судењето ќе го потресе богатиот град Таунус. Сведоците ќе бидат претежно од Кронберг и неговата околина, како и стоматолози од ординацијата, лекари од итна помош, спасувачи, полиција и други пациенти.
Деталите кои ќе бидат обелоденети на суд се шокантни, пренесува Bild. Семејствата на жртвите се запрепастени и се надеваат дека шокантното сведочење на судењето ќе доведе до повторно отворање на истрагата.