Малата Марија (3) вечерва се изгуби во грчко летувалиште: Туристи ја пронашле и сега се бараат нејзините родители

Туристи кои моментално летуваат во Грција, во местото Неа Флогита кај Филатеки, на улица нашле мало девојче и сега ги бараат нејзините родители.

Нејзината слика е објавена во групата „Грчка инфо“ и се наведува дека девојчето има три години.

– Најдовме девојче кое беше изгубено на возраст од 3 години. Се вика Марија и најдена е на местото Неа Флогита во Филатеки, доколку некој ги препознае, нека ги извести – се наведува во апелот.

Како што е наведено во коментарите под објавата, луѓето кои го пронашле девојчето контактирале со полиција и во моментов чекаат некој од родителите да се јави.

ОБНОВЕНО: Најдени се и нејзините родители

По повеќе од час и половина откако туристите ја пронајдоа малата Марија (3) на улица во Неа Флогита кај Филатеки во Грција, пронајдени се и нејзините родители.

– Ги најдовме родителите на малата Марија и ги возиме во полициска станица да ја собереме Марија која таму ги чека. Во ред е луѓе. Фала му на Бога – изјавил авторот на објавата на Фејсбук групата „Грчка инфо“.