Веста дека Кристијано Роналдо и неговата свршеница Георгина Родригез очекуваат близнаци го обиколи светот.

Георгина и Кристијано се заедно од 2016 година и имаат едно дете, четиригодишната ќерка Алан Мартин. Тоа е прво дете на шпанската убавица, додека Кристијано има уште три, најстариот Кристијано Јуниор (11) и близнаците Ева и Матео (4), кои ги доби со вештачко оплодување.

И покрај сето тоа, Роналдо се уште е сингл, а сите овие години го криеше идентитетот на мајката на своите деца.

Кристијано го шокираше светот пред 11 години кога објави дека станал татко на 26 години. Потоа накратко објасни дека сите родителски права му се пренесени и дека мајката нема да има контакт со детето. Мајката на Кристијано, Марија Долорес, подоцна изјавила дека отишла да го земе внукот во приватна болница во Флорида за да го однесе во Шпанија. Излегува дека тоа било лага бидејќи во крштеницата на Јуниор пишува дека тој е роден во истата болница во која се родени близнаците.

– Луѓето претпоставуваат дека сум бил со некоја девојка или дека постоела сурогат мајка. Никогаш никому не сум му кажал и нема да го сторам тоа. Кога Јуниор ќе порасне, ќе му ја кажам вистината затоа што ја заслужува, затоа што е мој син, но нема да ја кажам затоа што луѓето сакаат јас да ја кажам, му изјави еднаш Роналдо на водителот на една емисија, Џонатан Рос.

По раѓањето на близнаците, британските медиуми го истражуваа случајот и открија дека близнаците се зачнати во лабораторија во Лос Анџелес, а дел од документите се достапни на јавноста. Во него јасно се гледа дека се работи за сурогат бременост, па не се гледа името на мајката. Децата се родени во калифорнискиот град Ла Меси, во близина на границата со Мексико.

Децата се родени пред три и пол години, Ева во 9.07, а нејзиниот брат минута подоцна, пишува во матичната книга на родените. Со ова се разреши барем дел од мистеријата – јавноста шпекулираше дека не се близнаци, дека не се родени од иста мајка, а изводот на родените го потпишала дежурната докторка Марија Кастиљо.

Прашањето е зошто Роналдо ангажира сурогат мајка за своите деца?

Водечката американска адвокатка во областа на сурогат родителството, Стефани Кабалеро, смета дека Роналдо е секако биолошкиот татко на тие деца и претпоставува дека сите негови деца потекнуваат од „серијата ембриони“.

Сурогат клиниките рутински оплодуваат неколку јајца во исто време, ги замрзнуваат и ги чуваат со години, во случај клиентот да сака повеќе деца. Таа открива како точно Роналдо можел да дојде до три деца.

Првиот чекор е да се избере една од многуте агенции во Калифорнија, каде сурогат мајчинството стана индустрија вредна милијарди долари, бидејќи тамошните закони се во корист на потенцијалните родители. Така, родителите можат да останат и самци, парови од која било ориентација и слично.

Во Португалија, сурогат договорите се забранети со закон, особено затоа што Роналдо е неженет.

– Ниту еден португалски суд не би признал каков било договор меѓу Кристијано и сурогат мајката, а таквиот договор би бил прогласен за неважечки – истакнува Кабаљеро.

Во Калифорнија на агенцијата и се исплаќаат само 150.000 евра за близнаците, од кои 40.000 евра одат кај мајката. Роналдо можеше да избере донатор на јајце клетки (кој обично добива околу 7.000 евра) меѓу стотици жени чии фотографии и биографски податоци се наведени на веб-страницата на агенцијата.

И тука се крие тајната зошто Кристијано сака сурогат мајка. Јасно е како Роналдо сакал деца во својот „имиџ и можност“, или како што своевремено изјавил „кои ќе ги носат неговите фудбалски гени“, избрал слични, спортски типови на жени кои се Латиноамериканки.

Бидејќи неговите деца личат на него, очигледно неговата сперма е вториот дел од равенката. Во Калифорнија, друга жена се избира да носи оплодена јајце клетка (обично за да не создаде емоционална врска помеѓу неа и детето што би ги отежнало работите по раѓањето). Сето тоа е регулирано со договор кој се потпишува пред бременоста, а според него жените се откажуваат од сите права.

Тоа би можело да објасни зошто сестрата на Роналдо, Катија (44) наводно забележала дека децата имаат две мајки, кои се Мексиканки. По раѓањето се средуваат изводите од матичната книга на родените и пасошите, поради што близнаците успеале за три недели да пристигнат во Шпанија, а повторно ги донела мајката на Кристијано бидејќи тој тогаш играл за португалската репрезентација против Русија. Мајките веројатно не ни знаат кого родиле.

Според строгите услови на дискреција и правото на приватност, на жените кои донирале јајце клетки, како и на оние кои ја носеле бременоста до крај, најчесто не им се кажува каде „завршиле“ децата.

Некои од старите пријатели и соседи на Роналдо сугерираат дека неговата одлука сам да ги воспитува децата била поттикната од трауми од детството. Како најмлад од четирите деца, тој израснал во сиромаштија, живеејќи во сиромашна куќа со ѕидови полни со азбест.

Неговиот татко, Хозе Динис Авеиро, станал тежок алкохоличар откако се вратил од војната во Африка (починал кога Роналдо имал само 20 години), а неговата мајка, плашејќи се дека нема да има доволно пари за да се грижи за друго дете, наводно испила напиток што требало да предизвика абортус на Роналдо додека бил во утробата.

Неговата мајка проговорила и за каењето кое го имала кога го испратила сам во Лисабон да игра фудбал кога имал само 12 години.

Во секој случај, Роналдо наскоро би требало повторно да стане татко, би имал шест деца, три од врската со Џорџина и три од непознати сурогат мајки.