Ниту во текот на претходната ноќ полицијата во Бањалука не го пронајде Емир Селимовиќ по кој се трага под сомнение дека во Калесија ги убил сопругата Инела Селимовиќ и нивниот 13-годишен син.
Како што е потврдено за Klix.ba, во рамките на потрагата по бегалецот Емир Селимовиќ, припадници на Специјалната антитерористичка единица на Министерството за внатрешни работи на РС и нуркачки тимови денеска се ангажирани во претрес на езерото Дренова кај Прњавор.
На оваа локација синоќа биле пронајдени последните траги на бегалецот Селимовиќ, поради што постои можност тој да се самоубил скокајќи во езерото. Како што дознаваме, пронајдени се повеќе предмети за кои постои сомневање дека му припаѓаат.
Во исто време, полициски службеници на МВР на Република Српска преземаат низа други мерки и дејствија во поширокиот регион Бања Лука, врз основа на информации и сознанија за можни движења на Емир Селимовиќ, но кои се уште не се потврдени.
Покрај лоцирањето на телефонот, полицијата во селото Горња Мравица кај Прњавор пронашла и автомобил шкода фабија, со кој Селимовиќ избегал.
Автомобилот на Селимовиќ вчераутро е снимен од надзорните камери на автопатот „9. јануари“, како и излегувањето од автопатот кај Прњавор. Потоа започна потрагата во поширокото подрачје на регионот Бања Лука.
Хеликоптер на МВР на РС вчера бил забележан над поширокото подрачје на Прњавор како ја надлетува локацијата каде е пронајдено возилото и местото каде што се сомничи дека се крие Селимовиќ.
Како што е познато, безживотните тела на Инела и малолетното момче полицијата ги пронашла во средата вечерта.
Селимовиќ е осомничен дека ја удавил сопругата и го задушил синот.