Тешка сообраќајна несреќа се случи пред малку на регионалниот пат Радовиш-Штип, објави ФОКУС.

Од она кое може да се забележи на терен, превртено е товарно возило, а покрај патот стојат, но и лежат голем број на бегалци.

Пристигнато е едно полициско возило. Се очекуваат повеќе информации во тек на денот.

ОБНОВЕНО: Повредена 21 годишна девојка

На експресниот пат Штип-Радовиш во близина на штипското село Лакавица се случила сообраќајна несреќа, во која има повредено едно лице и е хоспитализирано во Клиничка болница-Штип.

Портпаролот на СВР-Штип, Гордана Панајотова за МИА вели дека несреќата се случила во 18:05 часот кога товарно моторно возило „Фиат дукато“ излетало од коловозната лента. Возилото е управувано од 24 – годишен возач од струмичкото село Баница, а со телесни повреди се здобила неговата 21- годишна сопатничка од истото село.

Во тек е увидот од страна на СВР-Штип, а сообраќајот се одвива наизменично по една коловозна лента.