Вечерашното убиство, кое се случи вечерва во 21 часот во трговскиот центар во Тузла, го извршил полициски инспектор, кој убил жена, дознава порталот „Аваз“.
Засега се утврдува каков однос имал со убиената која ја убил со пиштол. По убиството побегнал, а Специјалната единица на МУП го уапсила пред неговата зграда.
На местото на настанот има дежурен обвинител и бројни полициски сили. Телото се уште е на подот во трговскиот центар, со локва крв околу него.
Полицаецот Елвис ја убил Амра Кахримановиќ
На социјалните мрежи кружат бројни видеа од апсењето на припадникот на МУП, Елвис Ќустендил, кој изврши уште еден фемицид кој го потресе регионот, откако вечерва ја уби Амра Кахримановиќ во трговски центар во Тузла.
По убиството тој побегнал од местото на настанот, а припадници на Специјалната единица на МВР го нашле пред зградата во која живеел. На социјалните мрежи кружи видео од неговото апсење. Тој бил опколен од поголем број полицајци, по што бил приведен.
Не биле во брак, туку во „некаква врска“
Жртвата Амра Кахримановиќ била сопственичка на кафуле, а како што претходно објави порталот „Аваз“, Елвис и Амра имале некаква врска.
– Не беа во брак, но се верува дека имале некаква врска – вели соговорникот на порталот „Аваз“.
МВР потврди дека жената е убиена во трговскиот центар Сјењак.