Хеликоптер кој се упатил кон Миконос се урна кратко по полетувањето. Во него биле грчки пилот и четцорица американски државјани, двајца мажи и две жени, објавија грчките медиуми.
Властите беа алармирани рано попладне во неделата откако хеликоптер се урна во морето во пристаништето Вулијагмени.
Според првичните информации, хеликоптерот слета на хелиодромот во пристаништето Вулијагмени и кратко потоа се обиде да полета. Сепак, само неколку секунди по полетувањето од земјата, одеднаш се урна, од причина што засега останува непозната.
На местото на несреќата имаше хаос, бидејќи областа беше полна со капачи и посетители, додека сликите добиени од protothema.gr го доловуваат моментот на падот и хаосот што беше предизвикан.
Во хеликоптерот имало пет лица, кои, според првичните информации, се неповредени. Станува збор за грчки пилот и два американски пара кои се упатиле кон Миконос. Брод на крајбрежната стража, противпожарна служба и EKAB се на местото на несреќата.
Според информациите од ЕКАБ, четири од петте лица се полесно повредени со модринки и се транспортираат во болницата Асклепион во Вула.
Вреди да се напомене дека пред ова, најмалку три други хеликоптери слетале и полетале на Марината денес без никакви проблеми, според сведоштва од капачи.
Во исто време, за чудо, се чини дека не се случила трагедија бидејќи само 15 метри од местото на несреќата се наоѓала станицата за полнење гориво за чамците на Марината.
Соопштението на крајбрежната стража за несреќата
Приватен хеликоптер се урна во морето пред пристаништето Вулијагмени. 5-те лица беа безбедно изнесени на брегот. Пловило и возило на крајбрежната стража се на местото на настанот, а на пат е и приватен нуркач.
