51-годишен скопјанец се бори за живот на Ургентниот центар откако претходно денеска учествувал во сообраќајна несреќа во Гази Баба. Од Ургентен за Сител велат дека повредениот има тешки телесни повреди и дека со часови го реанимираат.

Од МВР информираат дека во СВР Скопје е пријавено дека во 13.45 часот на подрачјето на Гази Баба во Скопје се случила сообраќајна несреќа помеѓу патничко возило “киа” со холандски национални ознаки, управувано од Б.С.(44) и мотоцикл со скопски регистарски ознаки, управуван од Т.С.(51) од Скопје

Во несреќата мотоциклистот се здобил со тешки телесни повреди констатирани во Комплекс клиники “Мајка Тереза”. Увид на местото на несреќата извршила екипа од СВР Скопје.