Претседателот на Самостојниот синдикат за образование, наука и култура на Република Македонија – СОНК, Јаким Неделков, свикува прес-конференција, а во врска со носење Одлука на Советот на СОНК врз основа на изјаснувањата на синдикалните организации за предлогот на Владата, стои во соопштението на СОНК до медиумите.

– Прес-конференцијата ќе се одржи денес, недела, (17.04.2022 година) со почеток во 16:00 часот во седиштето на СОНК, на ул. Маџир Маало бр.36- Скопје, се вели во истото.

Соопштение од МОН: Најважно за децата е да се вратат во училиште од утре

Министерот за образование и наука Јетон Шаќири, денеска со ФБ пост ги повика наставниците во основните и средните училишта да го продолжат образовниот процес бидејќи тоа е од најдобар интерес на децата.

“Децата треба да ни се на прво место, затоа што правото на образование на секое дете е уставно загрантирано право. Губењето на настава во услови како оваа пандемија, кога владата и Министерството за образование и наука направи максимални напори да го нормализира образовниот процес, не оди во прилог никому, најмалку на учениците”, напиша Шаќири.

Во ФБ постот, Шаќири потенцира дека учениците треба да се вратат во училиштата, таму каде што припаѓаат. Редовната наставата е потребна најмногу како поддршка за ученици во еден многу важен дел од нивниот живот.

“Потребни сте им сега во овој период кога се подготвуваат за продолжување на образованието во средните училишта, за полагање на стручни испити и за државната матура, од што зависи нивната понатамошната образовна иднина и запишување на факултетите во земјава и во странство. Со нарушен образовен процес, сето ова не може да се реализира во предвидените рокови и е на штета на сегашните деветооделенци и матуранти, но и на сите останати ученици”, објави Шаќири на ФБ.

Министерот истакна дека Владата и претставниците на СОНК се договорија викендот да се утврди процентот за зголемување на платата кое ќе се испланира и потенцијално реализира со ребалансот на Буџетот, по што учениците од основното и средното образование од понеделник би се вратиле во училишните клупи. Синдикатот треба да има верба во институциите, бидејќи и претходно низ партнерски дијалог беше постигнато зголемување на платите на наставниците од 21 %.

“Владата сака да излезе во пресрет на барањата на наставниот кадар. Сакаме да најдеме задничко долгорочно решение со кое ќе обезбедиме континуиран раст на платите во образованието, но и ќе го гарантираме економско-социјалниот статус на кадарот. Сега најважно за децата е да се вратат во училиште, а дијалогот да продолжи”, стои во објавата.