![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Еден армиски хеликоптер попладнево се вклучи во гаснењето на пожарот на планината ,,Галичица” кој е активен на непристапен потег, информираше градоначалникот на Општина Охрид, Константин Георгиевски.
Тој за МИА вели дека утре може ќе интервенира уште еден хеликоптер, а дека ќе се вклучат и луѓе во гаснење на пожарот.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Почнувајќи од 3 септември, кризната состојба поради пожарите е завршена. Во моментов е активен пожарот на планината Галичица, а утринава е регистриран и еден пожар во Арачиново, со што не постои можност за продолжување на кризната состојба, информира директорот на Центарот за управување со кризи, Стојанче Ангелов на денешната прес-конференција.
Пожарот на Галичица започна пред една недела од албанската страна. Ангелов вели дека постојат сомнежи, оти е започнат од овчари за да се подобри квалитетот на пасиштето. Пожарот пред помалку од една недела се приближи и до македонската граница.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
„Овој пожар е карактеристичен по една непријатна и ризична работа, а тоа е големиот број на експлозивни средства и направи, гранати, куршуми и разни други експлозивни средства што се наоѓаат и по самиот срт каде започна пожарот и истите се протегаат до подножјето во самата шума. Овој пожар е четврти пожар на истото ова подрачје во последните 10-15 години според оние расположливи информации до коишто дојдовме“, вели Ангелов.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Претставници на Националниот Парк Галичица се обиделе странично да го изгаснат пожарот, но се појави феномен како пожарот кај Сарај, кога гори кореновиот систем и пожарот на местата каде што е изгаснат по извесно време повторно се распламтува.
Ангелов додаде дека во моментов, пожарот на Галичица не претставува опасност за населените места кои се во близина на планината.