Научниците ширум светот со големо внимание следеа и се обидуваа да предвидат каде делови од погоните на кинеската ракета ќе паднат на Земјата, а вечерва светот доби одговор.

Делови од погонот Long March 5b кои не изгореле во горниот дел од атмосферата паднале во Индискиот Океан во областа помеѓу Борнео и Филипините во 12:45 часот по средноевропско време, објави Њујорк Тајмс.

Кинеската Национална вселенска агенција (CSNA) објави на социјалната мрежа Веибо дека поголемиот дел од остатоците од погонот изгореле во атмосферата за време на падот.

– Областа се наоѓа во околното море на 119,0° источна географска должина и 9,1° северна географска широчина, а повеќето уреди се уништени при повторното влегување во атмосферата – велат кинеските експерти.

Експертите стравуваа дека делови од погонот може потенцијално да удрат во населено место, што беше главната причина за зголеменото следење на погонот низ целиот свет.

Шефот на НАСА, Бил Нелсон, во саботата објави дека Кина не објавила конкретни информации поврзани со траекторијата на Long March 5B.

„Сите треба да споделуваат ваков тип на информации што овозможуваат сигурно предвидување на потенцијалниот ризик од удар на отпад, особено за тешките ракети, како што е Long March 5B, кои носат значителен ризик од загуба на животи и имот“, рече тој.

Погонот што се урна на Земјата викендов е дел од ракетата Long March 5B. Беше лансиран на 24 јули 2022 година од страна на кинеската Национална вселенска агенција.

Ракетата носеше нов модул во орбитата што ќе служи како иден дел од вселенската станица Тиангонг што ќе ја гради Кина.

📸

📸